نهار نص فاتح
على الصبح فاتح
مفاتح مفاتح
جمال النسايم
على الصبح قايم
على الوش عايم
وليل نصه ضلمة
ضلام نص غامق
تقول نص كلمة
وتلمح مشانق
ما شانق ما حابس
ما فيش حد كابس
نفس نص طالع
مطالع مطالع
على الدنيا طالع
ما طالع ما طالع
فؤاد نص والع
وللظلم بالع
وقاعد وقالع
وقالع همومه
وقايم في يومه
ما حدش يلومه
يلوم هو روحه
وروحه ما تطلع
وتطلع جروحه
جروحه حكاية
حكاية شكاية
من الدنيا دية
عليها وعليّا
عليّا اني احاول
واحاول واطول
عليه بس يسمع
عليّا اني اقول
أقول كل حاجة
وحاجة تمانعني
مانعني الكسوف
كسوف شمس بكرة
وبكرة النهار
نهار نص فاتح
هناك 4 تعليقات:
هييييييييييييه أول تعليق أول تعليق أول تعلييييييييييق
مبروك علينا يا باشا ومرحبا بك في عالم التدوين القاسي
أتوقع اننا ناخد ع الاقل تدوينة كل سنة ونص ودة معدل ممتاز للأستاذ الشاعر العظيم:)
بس والله فرحانة
وانا أول رد
ههههههه
القصيدة ده بتوصف اقصي درجات التفائل الممكنة في مصر
حيث الاحتمالات الواردة للمواطن المصري
نهار اسود >> نهار مظلم >> نهار منيل ..............
>>>>>>>>>>> نهار نص فاتح
القصيدة حلوة قوي يا استاذ خالد
بس أنا مبعرفش أخد نفسي
الأبيات قصيرة قوي، والقافية متتابعة وحراقة ، بتخليني أنهج وراك
إرسال تعليق